എള്ളിന്റെ ഔഷധ ഗുണങ്ങള്‍ heart emoticon
************************************************

എള്ള് ശരീരത്തിന് ബലവും പുഷ്ടിയും ഉണ്ടാക്കും. ചര്‍മ്മത്തിനും മുടിക്കും വിശേഷപ്പെട്ടതാണ്. പല ഭക്ഷ്യസാധനങ്ങള്‍ എള്ളുകൊണ്ട് ഉണ്ടാക്കുന്നു. ശരീരത്തില്‍ പ്രോട്ടീന്റെ കുറവുമൂലം ഉണ്ടാവുന്ന രോഗങ്ങള്‍ക്ക് എള്ള് ഉത്തമമായ പ്രതിവിധിയാണ്. പ്രോട്ടീന്റെ അളവ് വര്‍ദ്ധീക്കുവാന്‍ എള്ള് അരച്ച് പാലില്‍ കലക്കി ശര്‍ക്കര ചേര്‍ത്ത് കഴിക്കുക.

ശരീരബലത്തിനും ധാതുപുഷ്ടിക്കും

എള്ളും അരിയും വറുത്തിടിച്ച് തിന്നുക.

ശരീരമനോഹാരിതയ്ക്ക്

കറുത്ത എള്ള് വറുത്ത് പൊടിച്ച്, നെല്ലിക്കയും, കയ്യോന്നിയും ഉണക്കി പൊടിച്ച് ചേര്‍ത്ത് ദിവസേന കഴിക്കുക.

വയറുവേദനയ്ക്ക്

ചുക്ക്, അതിന്റെ ഇരട്ടി എള്ള്, എള്ളിന്റെ ഇരട്ടി ശര്‍ക്കര ഇവയരച്ച് പാലില്‍ സേവിക്കുക.

വ്രണങ്ങള്‍ക്ക്

എള്ളും വേപ്പിലയും ചേര്‍ത്തരച്ചു തേന്‍ ചേര്‍ത്ത് ലേപനം ചെയ്യുകയാണെങ്കില്‍ വ്രണം ശുദ്ധമാകും. അതിനുശേഷം വേപ്പിലയരച്ച് തേനും നെയ്യും ചേര്‍ത്ത് ലേപനം ചെയ്താല്‍ വ്രണം ഉണങ്ങും.

കുഷ്ഠത്തിന്

കാരെള്ളും കാര്‍കോലരിയും കൂട്ടിപ്പൊടിച്ച് മുടങ്ങാതെ സേവിക്കുക.

വിഷമാര്‍ത്തവത്തിലും, ലുപ്താര്‍ത്തവത്തിലും

1. കുറച്ച് എള്ളെടുത്ത് വറുത്തുപൊടിച്ച് ഓരോ സ്പൂണ്‍ ദിവസേന രണ്ടുനേരം ആര്‍ത്തവത്തിന് ഒരാഴ്ച മുമ്പ് കഴിച്ചു തുടങ്ങുക.
2. എള്ളും ശര്‍ക്കരയും ദിവസേന കഴിക്കുന്നത് ആര്‍ത്തവ അസുഖങ്ങള്‍ക്ക് നല്ലതാണ്.

രക്താര്‍ശ്ശസിന്

എള്ള് അരച്ച് സമം വെണ്ണയും ചേര്‍ത്ത് വെറുംവയറ്റില്‍ കഴിക്കുക.

വീക്കം, കുരുക്കള്‍

എള്ളില അരച്ചു ലേപനം ചെയ്യുക.

തലമുടിക്ക്

എള്ളെണ്ണ തേക്കുന്നതും, എള്ളിലയരച്ചു തലയ്ക്കു തുടര്‍ന്ന് ഉപയോഗിക്കുന്നതും നല്ലതാകുന്നു.