ശ്വേതമുസലി-:: വാജീകരണ ചികിത്സയിൽ വൈദ്യൻമാർ പ്രധാനമായും ഉപയോഗിക്കുന്ന ഔഷധങ്ങളിൽ പ്രധാന ചേരുവ .മുസലി എന്നാൽ രണ്ടു തരമുണ്ട് അതിൽ കറുത്തത് നിലപ്പന എന്ന് കേരളത്തിൽ അറിയപ്പെടുന്നു. നിലപ്പനക്കുള്ള തിനേക്കാൾ കൂടുതൽ ഗുണം ശ്വേത മുസലിക്ക് ഉള്ളതായി ചില വൈദ്യ ഗുരുക്കൻമാർ അവകാശപ്പെടുന്നു. എന്നാൽ നിലപ്പന കേരളത്തിൽ ലഭ്യതയുള്ളതും ശ്വേത മുസലി ലഭ്യത കുറവുള്ളതുമാകയാൽ സാധാരണ കറുത്ത മുസലി {നിലപ്പന }യാണ് ഉപയോഗിച്ചു പോരുന്നത്.ഇതിൻ്റെ കിഴങ്ങുകളാണ് ഔഷധമായി ഉപയോഗിക്കുന്നത് 'കിഴങ്ങ് ഉണക്കിപ്പൊടിച്ചത്, പശുവിൻ പാലിൽ വേവിച്ച് കഴിക്കുന്നത് ലൈംഗീക ബലഹീനതകൾക്ക് കുറവുണ്ടാകും. പാൽമുതുക്കിൻ കിഴങ്ങ് / മുസലി / ശതാവരിക്കിഴങ്ങ് / ഇവകൾ അരച്ച് നെയ്യ് ചേർത്ത് കാച്ചിയെടുത്ത് ഉപയോഗിക്കുന്നത് സ്ത്രീകൾക്കുണ്ടാകുന്ന ഗർഭാശയ രോഗങ്ങൾക്കും, അണുബാധകൾക്കും, ശമനമുണ്ടാവുകയും മെലിഞ്ഞവർ തടിക്കുകയും ചെയ്യും. ശ്വേത മുസലി, നായ്ക്കുരുണ വേരും, അമുക്കുരവും തേറ്റാംപരലും കഷായമാക്കിയതിൽ അരച്ച് ചേർത്ത് തെങ്ങിൻശർക്കരയും നെയ്യും എള്ളെണ്ണയും ചേർത്ത്, വയൽച്ചുള്ളി വിത്തും, നായ്ക്കുരുണ പരിപ്പും, അക്കിക്കറുകയും പൊടിച്ച് ചേർത്ത് രസായനമാക്കിയുപയോഗിച്ചാൽ ശുക്ല ദോഷങ്ങൾ മാറുകയും, പ്രമേഹരോഗികൾക്കുണ്ടാവുന്ന നാഡീ തളർച്ച മാറുകയും ചെയ്യും.